ජීවිතය කියන්නේ මහ පුදුමාකාර දෙයක්.. 

ජීවිතයේ ගොඩක් දේවල් ලබාගන්නේ අමුතුම විදිහට හරියට කවුරුහරි මෙහෙයවනවා වගේ... කවුරු හරි අපේ ජීවිතය වියයුතු දේ සැලසුම් කොට සිදු කරනවා වගේ.. හිතල බලන්න ටිකක් ඔබගේ ජීවිතයේදීත් පොඩ්ඩක් පස්සට ගිහින්. ජීවිතයේ ගොඩක් වැදගත් දේවල් අමුතුම විදිහකට ලැබිලා ඇති... ඒ විදිහට හිතාගෙන යනවිට ඇත්තටම දෙවිකෙනෙක් සිටිනවාදෝ කියලත් එක වෙලාවකට සිතෙනවා... අපේ ජීවිතයේ අපිට අහිතකර දේවල් සිදුවෙන්නේ නෑ... 

දේවල් අපිට අහිතකරයි කියල හිතුනත් ඒවගේන් අපිට හොද දෙයක් හිතකර දෙයක් අපි නොදැනුවත්වම සිදුවෙලා...

ඔබ යම් දෙයක් කලොත් පමනයි එයි ප්‍රතිඵලයක් ලැබෙන්නේ කාලයා වුනත් ඔබගේ ගැටලු විසදන්නේ ඔබ ගැටලුව විසඳාගන්න උත්සාහ කරනවා න්ම් පමනයි.. ඔබ මහන්සි වී වැඩකරල හම්බකරන සල්ලි ඔක්කොම නිකන් ඉඩගෙන ගෙදරට වෙලා කකා බිබී ඉන්න කෙනෙකුට දෙන්න කැමති වෙන්නේ නෑ නේ ද? ඒ වගේ තමා කාලයාත්. කාලයා ඔබගේ ප්‍රශ්න විසදලා පිලිතුර විතරක් ඔබට දෙන්න කැමති නෑ.. කාලයාත් එක්ක ඔබත් මහන්සි වුනොත් තමා ඔහු ඔබට ඒ උදව්ව කරන්නේ... ප්‍රශ්න විසදගන්න නම් කාලයාත් සමග හවුලේ ඔබත් මහන්සි විය යුතුයි.. 

ඔබගේ ජීවිතයට කාලයා විසින් හොදම අවස්ථාවක් දෙනවා ජීවිතේට අලුත් දෙයක් එකතු කරගන්න.. ඊලඟට තත්පරය.. ඊලඟට තත්පරය ඔබගේ ජීවිතයට ගොඩාක් වැදගත් තත්පරයකි.. කාලයා නිතරම අලුත් එනවා, නමුත් කාලයා අපිට අභියෝග කරනවා පුලුවන් නම් "මම ඔබට ලබා දෙන අලුත් කාලයත් සමග ඔබගේ ජීවිතය අලුත් කරගන්න" කියලා.. නමුත් ඔබ කවුරුත් ඒ අභියෝගය බාරගන්නේ නෑ.. සියල්ල පරාජිතයන්..  

ඔබගේ අනාගතය නුදුරේදීම අතීතයක් බවට පත් වේ. අනාගතය වෙනස් කරගත හැකි අතර ගෙවා අවසන් කල අනීතය වෙනස් අරගත නොහැකිය. මගේ දර්ශනය අනුව අනාගතය ලස්සන වුනා කියල වැඩක් නෑ. මොකද අනාගතය ලස්සන වුනාට ඒක අපි ගාව නෑ නේ.. නමුත් ඔබගේ අතීතයයි ලස්සන විය යුත්තේ.. අතීතය ලස්සන නම් අතීතය දෙස හැරී බලන විට සතුටු විය හැකි නම් ඔබගේ ජීවිතය ලස්සන වේවි. 

ඔබට ඔබගේ ගෙවුණු අතීතය වෙනස් කළ නොහැක. නමුත් ඔබට ඊලඟ තත්පරය සාර්ථකව ගෙවා අවසන් කොට ඔබගේ අතීතය ඔබට ඕනෑ විදිහට වෙනස් කරගත හැකියි.. අනාගතය වැදගත් නෑ.. හෙට හිතන අදාගතය ඊලඟ තත්පරයේ වෙනස් විය හැකියි.. අනාගතය තව ලියා නැත, උදාවී නැත, උදා වන්නේ ඊලඟ තත්පරයයි. ඊලඟ තත්පරය සාර්ථකව ගත කරන්න. 

අනාගතය ලස්සන කරගන්නෙ කොහොමද කියල හිතන්න ඕනේ නෑ.. ඔබ හිතන්න ඕනේ ඊලඟ තත්පරය ලස්සනට ගෙවන්නේ කොහොමද කියලයි. අද දවස ලස්සනට ගෙවන විදිහ ගැන සිතන්න. උදා නොවුනු හෙට දවස ගැන සිතලා නිරපරාදයේ ඔබගේ සිතට දුක ගෙන්නගන්න එපා... අනාගතය ගැන සිතන එකෙන් බොහෝ අයට දුකක් කනස්සල්ලක් මිසක් සතුටක් ලැබෙන්නේ කලාතුරකිනි.. ඉතින් මොකටද උදා නොවූ අනගතයක් හේතුවෙන් ඔබගේ හිත දූෂ්‍ය කරගන්නේ. ඇයි ඔබගේ සතුට නැති කරගන්නේ. හෙටක් උදාවී නැති නිසා ඔබට හෙට දවසක් නැත. 

අද තමා ඔබට තියන අවසන් දවස. ඔබ ගෙවන්නේ ඔබගේ අවසන් කාල පරිච්ඡේදයයි ලෙස සිතා ඔබගේ අරමුණට යාමට කලයුතු උපරිම දේ අද, දැන්, මේ දැන් ඉටු කරන්න... නිකන්ම ඔබගේ ජීවිතය ලස්සන වේවී, නොලියූ සුදු පිටු සහිත ඔබගේ පොතේ රන් අකුරින් ඔබගේ අතීතය ඔබ අද දවස ආර්ථකව ගෙවුවා යැයි ලියවේවි.. 

තවත් ජීවිතයට ලස්සන කරගන්න ඔබට වැදගත් සිතුවිලි සමූහයක් සමගින් හමුවෙමු!