මිනිස්සු අතරේ නොයෙක් ආකාරයේ අමුතු අමුතු අදහස් ඇති පුද්ගලයන් සමාජයේ ජීවත් වන අපිට හදුනාගන්න පුලුවන්.. මේ අතරේ මට අසන්න ලැබුණු එක් පුද්ගලයෙක් ගැන ඔබට පැවසුවහොත්,

ඔහු තමන් දවස පුරා භාවිතාකොට ඉවතලන කුණු, ආහාරයට ගෙන ඉතුරු කොටස් සියල්ල ලොකු කවරයකට දමාගෙන ඒක පිටේ බැදගෙන ඉන්නවා. ඇතැම් විට තමන්ගේ කලිසමේ සාක්කු වලටත් ඒවා දාගන්නවා. දවස ආරම්භයේ සිටම ආහාරයට ගන්නා කෑම වල ඉවතලන රොඩු, කෑම කෑල් ඔක්කොම අර කවරයට දාගන්නවා. 

ඒ කවරය තුරුළු කරගෙන තමා රෑට නිදියන්නේත්. ඊලඟ දවසත් ඒ විදිහටම කරනව ඒ දවසේ කුණුත් ඒ කවරයටම දානවා. තවත් දවසක් ඒ විදිහටම ගෙවනවා, දැන් ටිකෙන් ටික ඒ කුණු මල්ලෙන් ගඳ එන්න පටන් ගන්නවා. එත් ඒ පුද්ගලයා ගානක් නැතිව ඒ මල්ල පිටේ බැදගෙන දවස ගතකරනවා.

ඔය විදිහට දවස් 5ක් විතර යනකොට මල්ලේ ඇති කෑම කුණු වෙලා හොදටම ගඳ ගහනවා, පණුවන් පවා ඇතිවෙලා. 

නමුත් ඒ පුද්ගලයාට කිසිම ගානක් නැතිව ඒක හොදට පරිස්සම් කරගෙන තියාගන්නව. ගානක් නෑ කිවුවට ගානක් නැත්තේමත් නෑ ගඳ දැනෙනව, මැස්සො වටේ කෙරකෙනකොට උන් එලවනවා. ඒ වගේම ඒ පුද්ගලයේගේ පිටේද, අත් වලද සමේ රෝග ඇතිවෙන්න පටන් අරගෙන ඒවා තුවාල බවට පත් වෙලා. ඔහු වටේ මස්සෝ ගොඩයි. එන්න එන්න මේ පුද්ගලයා ලෙඩවෙන්න් පටන්ගත්තා. හොදටම අසාධ්‍ය තත්වයේ සිටින්නේ, 

මේ පුද්ගලයා ඇතිවී තියෙන තුවාල වලට බෙහෙත් කරන්න පටන් ගන්නවා. නමුත් අර කුණු මල්ල තාමත් කරේ. එක තැනකින් බෙහෙත් අරගෙන හොදවුනේ නැති නිසා තවත් තැනකින් ගන්නවා. තැනින් තැනට යනවා. ඒත් මේ මල්ල තාමත් කරේ.. ඒක අයින් කරන්න හිතෙන්නේ නෑ. නමුත් තුවාල වලට බෙහෙත් කරනවා. 

මේ තත්වය තුල ඔහුට ඔහුගේ සෑම දෙයක්ම එන්න එන්න නැතිවෙන්න පටන්ගත්තා.තම හිතවතුන්, රැකියාව, නෑදෑයන්, සියල්ල නැති වුනා.. අර මල්ල විතරයි මොහුට ඉතුරු වුනේ. මොහු යාචකයෙක් බවට පත් වුනා. ඒත් අර කුණු මල්ල තාමක් කරේ තියාගෙන ඒක පෝෂණය කරනවා......

ඔබ දන්නවාද මේ කවුද කියල????? ඒ වෙන කවුරුත් නොවේ ඔබයි!! අර කුණු දමාගත් මල්ල තමා ඔබගේ මනස. කුණු නම් ඔබ දවස පුරා ගෙවා දැමූ ක්‍රියාවන්ගේ හරි/වැරදිව සහ ඔබගේ මනසේ ඉතිරි කරගත් දේවල්.

ඔබ මේ ලෝකය දෙස දකින්න, සිතන්න පටන්ගත් දා සිට සෑම දෙයකගේම ඔබගේ මනසේ තැන්පත් වෙනවා. නමුත් ඔබ ඉවත දාන උවමනා දේවල්ද ඔබගේ මනසේ තැන්පත් කරගන්නවා. ඔබගේ මනස නැමැති මල්ලේ වැඩියෙන් තියෙන්නෙ ඉවත දැමිය යුතු කුණු. කෙසේ නමුත් කාලයාගේ ඇවෑමෙන් ඔබ තරුණ වියට පත්වෙත්ම අර කුණු මල්ලේ ඇති දේවල් කුණු වෙලා පනුවො ගහල, ගඳ ගහන්න ගන්නවා... ඉතින් ඔය විදිහට තමා ඔබගේ ඉතිරි කාලයේ ජීවත් වෙන්න වෙන්නේ.. වැඩියෙන් කුණු තියන අයගෙ වැඩියෙන් ගඳ ගහනව, ඒ වගේම අතුරු ආබාධත් වැඩී.

ඔබ මේ ගොඩගසාගත් අතීතයේ දේවල් නිසා ඔබ ඔබගේ ජීවිතයම විනාසයට පත් කරගන්නවා. ඉවත දානා ඕන දේවල් ලග තියාගන්න ඕනේ නෑ නේ. ඔබට එයින් කිසිම ප්‍රතිලාභයක් නෑ. නැත්තෙමත් නෑ ඔබට හම්බවෙනවා අමතරව විසඳා ගැනීමට අපහසු ප්‍රශ්න ගොඩක්.. ඔබට ඔබගේ ජීවිතය සාර්ථකත්වය කරා රැගෙන යාමට නොහැකි වේවි. ඔබගේ ජීවිතයේ ලස්සන නැතිවෙලා යාවි....

කරන්න තියෙන්නේ එකම දෙයයි පුච්චලා දාන්නා ඔබගේ අතීතයේ ඉතුරුකරගත් කුණු, මොකද ඒ කුණුත් සමග ඔබට අලුත් අනාගතයක් හිමිවන්නේ නෑ. ආනාගතය ද කුණුවල ගඳට ඔබව අතහැර දමා පලා දුනවා. දවසේ එකතුවන කුණු අද දවසේ අවසානයේම පුච්චල විනාශකරල දන්න. ඒවා තියාගෙන ඉන්න එපා. 

ඔබ මෙච්චර කල් තියාගත්තු ගොඩ අයින් කලාම ලැබෙන සැහැල්ලුව කොච්චරද කියල තේරෙයි.. අලුත් දවසක් ආරම්භවෙන විට අලුත් ලෙස නැවුම් ලෙස ආරම්භ කරන්න. කා ගිල දැමූ ආහාරයේ අඩුපාඩු කියල වැඩක් නෑ නේ. කිවුවා කියලා කාපු එකේ රස වෙනස් වෙන්නේ නෑ නේ. ඊලඟපාර කෑම හදනකොට අඩුපාඩු මගහරවාගන්න උත්සාහ කරන්න....

හිතලා බලන්න ජීවිතයට මොනවද එකතු කරගන්න පුලුවන් කියලා...

ඔබට ජයෙන් ජය!!!!!

╔═. ♆. ═════════════════════════╗
BLESS of your MIND!!!!!
╚══════ .♆. ════════════════════╝
-Author-
Dushyantha Samarasinghe 

Please invite to your friends our page
Like
Comment
Share