හඳුනාගැනීම යන්න ගත්විට අපිට සෑම දෙයක් ගැන නිවැරදි අදහසක් ලබා ගැනීමට හෝ ඒ දේ ගැන නිවැරදිව තේරුම් ගැනීමට මුලින් හඳුනාගැනීමක් සිදු කළ යුතුය. අපි මනෝවිද්‍යාව ඉගෙන ගන්නවිට මුලින්ම හදුනාගැනීමක් සිදු කලා. අපි ඕනම විශයක් අධ්‍යනය කරන්න කලින් අපි හඳුනාගැනීමක් කරනව.. සෑම දෙයක්ම එහෙමයි විශයක් විතරක් නෙවේ, දුරකතන, පරිගණකය, මිනිසුන් ඇසුරු කරනවිට වගේ සෑම දෙයකටම කලින් අපි හඳුනාගැනීමක් සිදු කරනව.. මිනිසුන් ඇසුරු කරන විට, ජීවිතය පිලිබදව යන කරුණු හැර අන් සියලුම දේවල් පිලිබඳව හඳුනාගැනීම නිසි ආකාරව සිදු වෙනව..නමුත් අපි මිනිසුන් ඇසුරු කරන විට සහ ජීවිතය පිලිබදව හරි ආකාරව හඳුනාගැනීමක් සිදු කරන්නේ නෑ.. ඒ හේතුවෙන් තමා පුද්ගලයන් අතර ගැටුම් ඇති වෙන්නේත්, ජීවිත හානි කරගැනීම් ඇති වෙන්නේත් ඒ හේතුවෙනි.

ජීවිතය ගැන කතා කරන විට අපගේ ජීවිතය වෙනස් කරගැනීම ගැන කතා කරනවිට, ජීවිතය සාර්ථක කර ගැනීම ගැන කතා කරන විට අපිට මේ "හඳුනාගැනීම" කියන මාතෘකාව ගොඩක් වැදගත් මාතෘකාවක් වෙනවා. එහිදී අපිට වැදගත්ම වෙන්න ප්‍රධාන කරුණු 2ක් තියනව. එනම්

• පුද්ගල ආශ්‍රය සඳහා,
• ජීවිත ආශ්‍රය සඳහා. 

            පුද්ගල ආශ්‍රයේදී අපිට හඳුනාගැනීම ඉතාමත්ම වැදගත් සහ ඉතාමත්ම සංකීර්ණ කරුණක් වෙනව. මන්ද ඒ පුද්ගලයන් නිතර ම වෙනස් වෙන හේතුවෙනි. ලොකයේ ගොඩක්ම අසීරු අපහසු දේ තමා පුද්ගලයකු හඳුනාගැනීම කියන්නේ. හඳුනාගැනීම පුද්ගල ආශ්‍රය සදහා කොපමණ වැදගත් වෙනවා ද කියන එක ඔබට මේ මාතෘකාව අවසානයේ වැටහෙයි. පුද්ගලයන් ආශ්‍රය කරනවිට අපි මුලින් ඒ පුද්ගලය මොන වගේ පුද්ගලයෙක්ද යන්න හඳුනාගත යුතු වෙනවා. ඒ වගේම අපි හඳුනාගැනීම සිදු කරණ විට අවසන් නිගමන වලට එළඹීමක් සිදු නොකළ යුතුය. මන්ද ඒ අපගේ ඒ අවසන් නිගමනයද වෙනස් වෙන සුලු බැවිනි.. ඒකට හේතුව හඳුනාගැනීම සිදු කරන තැනැත්තා ද මිනිසෙක් වෙන බැවින් ඔහු ද සෑම තත්පරයකම වෙනස් වීම නැමැති පොදු ධර්මතාවයට යටත් බැවිනි. ඒ වගේම හඳුනාගැනීමකදී කිසි ලෙසකින් තමන් පක්ෂක්ග්‍රාහී පුද්ගලයෙක් නොවිය යුතුයි. ස්වාධීන අදහස් ඇති පුද්ගලයෙක් විය යුතුයි. මන්ද ඒවිට නියම හඳුනාගැනීමක් සිදු කළ හැකි බැවිනි.

පුද්ගලන් අතර සන්නිවේදන ක්‍රියාවලිය සිදු වෙන විට වාචිකව පමනක් නොවේ සන්නිවේදනය සිදු වෙන්නේ. අවාචික සන්නිවේදනයක් ද සිදු වෙනවා. අවාචික සන්නිවේදනය කියන්නෙ ඇස් මගින් සිරුරේ අනෙකුත් අංග මගින් සිදු කරන සන්නිවේදනයන් ය. වාචික සන්නිවේදනයට වඩා සිදුවන්නේ අවාචික සන්නිවේදනයයි.. අපිට පුද්ගලයෙකු හඳුනාගැනීමේදී මේ අවාචික සන්නිවේදනය ප්‍රධාන වශයෙන් වැදගත් වේ.. පුද්ගලයෙක් හඳුනාගන්නා විට අපි මුලින්ම අවාචික සන්නිවේදනයක් සිදු කොට පසුව තමා වාචික සන්නිවේදනයක් සිදු වෙන්නෙ. හරියට computer එක boot වෙන විදිහ වගේ. අපි අවාචික සන්නිවේදනයෙන් පුද්ගල හඳුනාගැනීම සඳහා කරුණු 80%ක්ම ලබා ගන්නවා. ඉතුරු 20% අපි ලබා ගන්නේ වාචික සන්නිවේදනය මගින් ය. ඒ වගේම වාචිකව කියන දේට වඩා අවචික දේ සත්‍යතාවය ප්‍රබලයි.

අවාචිකව අපිට මිනිසුන්ගේ චරිතය පිලිබඳව සෑහීමකට පත්විය හැකි විනිශ්චයකට එළඹීය හැකිය... අවාචිකව මිනිසුන් ගොඩාක් දේවල් ප්‍රකාශ කරනව. වර්තමානය වන විට එහි ප්‍රවනතාව ගොඩක් වැඩි වෙලා තියනව ගොඩාක් දේවල් වලදී අවාචිකව මිනිසුන් ගොඩාක් දේවල් බලාපොරොත්තු වෙනව නමුත් සමහරක් අයට අවාචිකව පවසන දේ නොතේරේ.. වාචිකව කීමට නොහැකි ගොඩාක් දේවල් අවාචිකව ගොඩාක් අය පවසනව.. ඒ වගේ ම අවාචික සන්නිවේදනයේ SMS සදහාද වැදගත් වෙනව. මෙහිදී වාචික අවාචික දෙකම ප්‍රකාශ වෙනවා. සමහරක් අයට SMS එකකින් කියන්න පුලුවන් දේ හම්බ වුනාම කියන්න අපහසුයි. ඒ වගේම SMS එකකින් ඒ මොහොතේ ඇති හැගීම් පවා අනෙක් පැත්තේ ඉන්න සමහරක් අයට තේරුම් ගැනීමේ හැකියාවත් තියනව..

සත්‍ය පවසන හෝ අසත්‍ය පවසන, රැවටීම් සිදු කරන හෝ නොකරන, අවංක හො වංක, වගේ දේවල් අපිට අවාචිකව දැනගත හැකිය. අවාචික සන්නිවේදනයේ දී, ඇස් දෙස බලා කතා කිරීම, කතා කරන විට හෝ කතා කිරීමට පෙර අත පය චලනය වන ආකාරය, සිරුර තබාගෙන සිටින ආකාරය, හුස්ම ගන්නා ආකාරය, ඇසිපිය හෙලන ආකාරය, ඇස් වල දිලිසෙන බව, ඇහි බැබි වල චලනයන්, දහදිය, මුහුණේ වර්ණය, ඇස් වල වර්ණය, වගේ දේවල් වලින් අපිට අවාචිකව යම් පුද්ගලයෙක්ව විනිශ්චයක් කළ හැකිය. Body language කියන එකත් වැදගත් වෙන්නේ මේ හඳුනාගැනීම සදහායි. සමහරක් වංක පුද්ගලයින්ට ඇසට ඇස එල්ල වන ආකාරයට කතා කිරීමට නොහැකිය. බලන්න වැරැද්දක් කළ පුද්ගලයෙකුට ඇස් දිහා බලාගෙන කතා කරන්න ගොඩක් අපහසුයි. ඔලුව කෙලින් තියාගෙන ඇස් දිහා බලාගෙන කතා කරන්න පුලුවන් නම් ඔහු නියම පෞරුෂයකින් යුක්ත වැරදි අවම කෙනෙක්.මිනිසුන් කියන දේවල් වල සහි හෝ වැරැද්ද සොයන්න යන්න එපා. (හිතුවට වඩා ලිපිය ගොඩක් දිග වෙයි වගේ. එහෙම වුනොත් 2වැනි ලිපියකින් කතා කරමු) හරි හෝ වැරදි හෝ ඔබට හානියක් නොවේ නම් ඒ දේවල් ගැන වැඩිය හිතන්න යන්න එපා. ඔබට බලපෑමක් වෙන කරුණු වලදී එම පුද්ගලයාගේ හරි වැරදි භාවය තීරණය ගැන අවසන් නිගමන වලට එලබෙන්න එපා. මැද ඉදල සිතන්න හරි වුනත් වැරදි වුනත් මට ගැටලුවක් වෙන්නේ නැති තැන ඉදලා ඔහුත් එක්ක ගනුදෙනු කරන්න.

ලිපිය පොඩ්ඩක් දිග වෙන නිසා මම ඉතුරු කොටස 2වන කොටසකට අරගෙන යනව. ඒකේ අපි Body language ගැන සම්පූර්ණයෙන් කතා කරමු. ඉක්මනින්ම ඒ ලිපියත් දෙන්නම්. එහෙනම් ඊලඟ ලිපියෙන් හමුවෙමු.

ඉතින් කොහොමද යාලුවා.. අපි මෙච්චර දවස් මනෝවිද්‍යාව ගැන කතා කරාට මනස ගැන කතා කලේ නැ නේ. මනස ගැන හඳුනාගත්තේ නෑ නේ. ඔන්න ඉතින් අද ලිපිය අපගේ මනස ගැන. මනෝවිද්‍යාත්මකව මෙන්ම ආගමික වශයෙන් මනස සම්බන්ධයෙන් ගොඩනැගෙන නැගී ඇත තොරතුරු ඇතුලුව විද්‍යාව තුලින් අධ්‍යයනය කරන මනස ගැන කියන දේව ඇතුලුව. මනසින් කල හැකි දේ මනසින් ලඟාවිය හැකි ස්ථාන ගැනත් ඇතුලුව මනස ගැන සම්පූර්ණ විවරණයක් මේ ලිපියෙන් ආරම්භ වන ප්‍රධාන මාතෘකාව යටතේ සාකච්ඡා කරන්න බලාපොරොත්තු වෙනවා. හරි එහෙන්ම් ඔහොම්ම ම කියවගෙන පහලට එන්නකෝ..

ඔබව මනෝවිද්‍යා විශ්වයට සාදරයෙන් පිළිගන්නවා. පොරොන්දු වුන විදිහට ඉතා ඉක්මනින් අසාමාන්‍ය මනෝවිද්‍යාවේ ඉතිහාසය පිලිබඳ ලිපිය අරගෙන ඔයාලව මුණගැසෙන්න ආවා ඔන්න. අපිට කතා කරන්න ගොඩාක් දේවල් තියන නිසා කෙලින්ම මාතෘකාවට යමු.

                  මනෝවිද්‍යාව විද්‍යාත්මක විශයක් ලෙස විකාශන වීමටත් ඉහත ඉතිහාසයක සිට මිනිස් මනස පිලිබඳව අධ්‍යයනයන් ආරම්භ වී ඇත. අපිට දිස්වන විමසිය හැකි ඉතිහාසයේ මුල්ම කාලයේ මනස යන්න හදුන්වා ඇත්තේ ආත්මය ලෙසයි. එහිදී ප්ලේටෝ, ඇරිස්ටෝටල්, වැනි දාර්ශනිකයන් සහ සුවිශේෂී දාර්ශනිකයෙක් වන අප මහා බුදු රජාණන්වහන්සේගේ ද මිනිස් මනස පිලිබඳව අදහස් දක්වා ඇත. ඒ වගේම මානසික රෝග සහ අසාමාන්‍ය චර්යා ගැනද ඉතිහාසයේ යම් යම් මතයන් ඉස්මතු වී ඇත. මානසික රෝගී තත්වයන් ඉතිහාසයේ නොපෙනෙන බලවේග ඇති කරන රෝග ලෙස පෙන්වා දී ඇත. තවත් ඉතිහාසයයට ගියහොත මානසික රෝග වලට විවිධ මන්ත්‍ර ජප කිරීම්, මිනිස් හිස් කබල් යොදාගෙන කල යම් යම් ගුප්ත ප්‍රතිකාර ක්‍රම වැනි දෑ පැවතී ඇත, ඒ වගෙම පැරණි ඊජිප්තුවාර්තා වලින් මානසික රෝග සදහා නිද්‍රා ප්‍රතිකාරය යොදාගෙන ඇති බව සදහන් වී ඇත.

පසුව මධ්‍යතනික යුගය ආරම්භයත් සමග සිදු වූ විප්ලවයෙන් භෞතික විද්‍යාව, වෛද්‍ය විද්‍යාව, ආදී විවිධ විද්‍යා ක්ෂේත්‍රයන් සහ ගණිතය වැනි ක්ෂේත්‍රයන් ද වර්ධනය විය. ඒත් සමගම විවිධ ශාන්තිකර්ම කිරීම්, මානසික රෝග වලට හේතුව භූත බලපෑම් වැනි කරුණු ප්‍රතික්ශේප වන්නට ආරම්භ විය. ඒවාට එරෙහිව මුලින්ම හඬ නැගූයේ 1541 පෙර්ක්ලස් නැමැති වෛද්‍යවරයා ය. ඔහුට අනුව මානසික රෝග "ලුනටික්" යනුවෙන් එකල යුරෝපය පුරා ප්‍රසිද්ධ වී ඇත. ඒකල චන්ද්‍රයා luner ලෙස හදුන්වා ඇත.  ඔහු පවසන ආකාරයට අසාමාන්‍ය චර්යාවන් ඇති වන්නේ සදේ තිබෙන බලපෑමක් හේතුවෙන් බව පැහැදිලි කොට ඇත. ඔහුට පසුව දිගු කලක් භූත කර්ම පිලිබඳව පරීක්ෂන කල ජර්මානු ජාතික වෛද්‍යවරයෙක් වන "ජොහාන් වේයර්" නම් වෛද්‍යවරයා 1963 දී උන්මාදය කායික හා මානසික සාධක හේතුවෙන් ඇති වන රෝග ලෙස හදුන්වාදී ඇත. මේ මතය හේතුවෙන් එකල පල්ලිය ඉතාමත් කෝපයට පත් විය.. පසුව වේයර් යක්ෂයාගේ (සාතන්ගේ) නියෝජිතයෙක් ලෙස පතුරවා ඔහු රචිත ග්‍රන්තයන් මහජනතාවට පරිහරණය කිරීම තහනම් කළහ.

මෙම භූත කර්මවලට එකල විද්‍යාඥයන් සම්පූර්ණයෙන් විරුද්ධ වූ නිසා මානසික රෝගීන් සමාජයෙන් ඈත් කොට තැබීමට තීරණය කලහ. ඒ සදහා වෙන් කළ ස්ථාන "එයසිලම්" ලෙස හදුන්වා ඇත.. මානසික රෝහල් වල ආරම්භය ලෙස මෙය හැදින්විය හැකිය. මුල්ම මානසික රෝහල ස්පාඤ්ඤයේ වැලෙන්සියා නම් ප්‍රදේශයේ 1409දී ආරම්භ වී ඇත. 1547 දී බ්‍රිතාන්‍යයේ ප්‍රථම වරට මානසික රෝහලක් ආරම්භ කොට ඇත. 1641 ප්‍රථම වරට ප්‍රංශයේදී ද මානසික රෝහලක් ආරම්භ කොට ඇත.  1756 දී ඇමරිකා එක්සත් ජනපදයේ ප්‍රථම වරට පිලඩෙල්පියාවේ මානසික රෝහලක් ආරම්භ කර ඇත..  ඒ ආකාරයට මානසික රෝගීන් ආරක්ෂා කිරීම සදහා එම සංකල්පය ඉතා සීග්‍රයෙන් ප්‍රචලිත විය. මෙම රෝහල් වල තත්වය නම් ගන්න දෙයක් නෑ. කාමර පිරිසිදු කිරීමක් සිදු වෙන්නේ නෑ, විදුලිය නොමැති නිසා කාමර අදුරු කාමර විය.. ඉතාම පහත් තත්වයේ ආහාර තමා රෝගීන්ට ලබා දීලා තියෙන්නේ. හිසකෙස්, රැවුල් කැපීම සහ සීතල ජලයේ පැය කිහිපයක් තැබීමක් සහ නිල ඇදුමක් ඇන්දවීමක් සිදු කරයි. මෙම රෝහල් තුල සිටින රෝගීන් අත පය බැද ඉතා වේගයෙන් කැර්කැවෙන් යන්ත්‍රයක දමා කැරකැවීම සිදු කරයි. ඒ වගේම ඉතාමත් අපහසු ආක්‍රමනශීලී රෝගීන් හට කසපහර ද දී ඇත. මෙවැනි තත්වයක් යටතේදී යුරෝපය පුරා මේ ක්‍රමයට විරුද්ධව කුමත රෝගයක් තිබුණද මනුෂ්‍යයෙකුට සලකන ආකාරයට ඔවුන්ටද සැලකිය යුතු බව ඉදිරිපත් විය.
ප්‍රංශ විප්ලවයත් සමගම මානසික රෝගීන් සම්බන්ධයෙන් මානුෂවාදි අදහස් ඉදිරිපත් වන්නට විය. එහිදී "පිලිප් පයිනල්" යන වෛද්‍යවරයා මූලික වී මානසික රෝගීන් දම්වැල් වලින් නිදහස්කොට හොද ආහාර පානද හොද ඇදුම් ද ලබාදී ඇත. රෝගීන්ට මිහිරි සංගීතයට සවන්දීමට පහසුකම් ද සලසා ඇත. මේ තුලින් බොහෝ රෝගින් සුවපතු වී ඇත් බව වාර්තා වී ඇත. පසුව මෙම මානුෂවාදී සංකල්පය ඉතා සීග්‍රයෙන් ප්‍රසිද්ධවන්නට විය. එහි ප්‍රතිඵලයක් ලෙසට මනෝ වෛද්‍ය විද්‍යාවද වෛද්‍යවිද්‍යා විශයක් ලෙස එංගලන්තයේ විශ්වවිද්‍යාවතුල අධ්‍යයනයන් ආරම්භ විය. මානසික රෝගීන් සදහා හෙදියන් පුහුණු කිරීම ආරම්භ ප්‍රථම වරට ආරම්භ කරනු ලැබූයේ "සැමුවෙල් හිච්" නම් මනෝ වෛද්‍යවරයා ය. මෙම මානුෂවාදී සංකල්පයේදී රෝගීන්ට ප්‍රතිපාර කිරීමේ ක්‍රියාවලින මුලික කරගෙන පිරිසිදු බව, පිරිසිදු වාතය, ශාරීරික ව්‍යායාම, විනෝදය සහ නිදහස, කාරුණික උපස්ථානය, පෝෂ්‍යදායී ආහාර යන කරුණු පිලිබදව මුල් තැනක් දුන්හ.

ප්‍රංශයේ ලා සල්පත්‍ර රෝහලේ රෝගීන දම්වැල් වලින් ලෙහා පුනරුත්ථාපනය සිදුකරන ආකාරය (සදාචාර ප්‍රතිකාරය ලෙස හදුන්වා ඇත)

මේ ආකාරයට විකාශනය වෙමින් අසාමාන්‍ය මනෝවිද්‍යාවේ විෂය ක්ෂේත්‍රය ටිකෙන් ටික වර්ධනය වන්නට විට. අසාමාන්‍ය මනෝවිද්‍යා ඉතිහාසයේ වැදගත්ම සංකල්ප ඉදිරිපත් කරන ලද්දේ "ඇන්ටන් මෙස්මර්" විසිනි. එකල පැවති සුව කල නොහැකි හිස්ටීරියා රෝගය සුව කිරීම සදහා මෙස්මර් මෝහන ක්‍රමය යොදාගෙන ඇත. ඒ වගේම මනුෂ්‍යයා සහ ග්‍රහ තාරකා අතර සම්බන්ධතාවයක් ඇති බවත් එය චුම්බක ද්‍රාව්‍යකින් ක්‍රියාත්මක වන බව මෙස්මර්ගේ විස්වාසය විය. එහිදී මිනිසාගේ ඇති චුම්බක බලය විශ්වයේ චුම්බක බලය සමඟ සම්බන්ධ කළ යුතු බව ඔහු කියා සිටියහ. මෙස්මර් අඳුරු කාමරයක් තුලපසුබිමින් සංගීතයක් ද වාදනය වීමට් සලස්වමින් හිස්ටීරියා රෝගී කාන්තාවන් විවිධ රසායන ද්‍රව්‍ය තැන්පත් කළ තඔ හෝ ලෝහ භාජනයක් වටා වාඩිකරවා ඒ තුල ඇති  කාන්දම් පොලු කම්බියක් ආදාරයෙන් එම කාන්තාවන්ගේ ශරීරයේ රෝගී අංශයට සම්බන්ධ කර ඇත. මෙස්මර් මෙයින් අදහස් කලේ විශ්ව ශක්තිය කාන්තාවන්ගේ ශරීරයේ චුම්බක ශක්තිය සමග සම්බන්ධ කිරීමේ අදහසිනි. ඒ වගේම දිග වලිගයක් සහිත කෝට් එකක් ඇදගෙන සැරයැටියක් රැගෙන රෝගීන් ඒ තුලින් ස්පර්ශ කරයි. රෝගීන් මෝහන තත්වයට පත්වී ඔහුගේ වචනයට සවන් දුන්හ. කිහිප සැරයක් මේ ආකාරයට ප්‍රතිකාර කිරීමෙන් රෝගීන් සුව වූ බවද වාර්ථා වී ඇත.

මෙස්මර්ගේ මෙම ප්‍රතිකාර ක්‍රමය මහාචාර්ය M. බර්න්හයිම් ද අනුමත කොට ඇත. ඒ අනුව හිස්ටීරියා රෝගය මානසිකව ස්වයං මෝහන තත්වයක් වන බවත් මෝහන ප්‍රතිකාරයෙන් එම තත්වය සුව කල හැකි බවත් පෙන්වාදී ඇත. නැන්සි ගුරුකුලය නැතහොත් නැන්සි පාසල M. බර්න්හයිම් ගේ මත වලට යෙදූ නම් ලෙස හදුන්වයි. ස්නායුවේදී වෛද්‍යවරයෙකු වන ජින් චාකෝ එම මත වලට විරුද්ධව මානසික රෝග මොළයේ කායික ආබාධයක් බව පෙන්වාදී ඇත. එම මතය පිළිගත් අය පැරිස් ගුරුකුලය ලෙස හදුන්වා ඇත. පැරිස් ගුරුකුලයෙන් පසුව වැදගත්ම ගුරුකුලය වූයේ සිග්මන් ෆ්රොයිඩ් මූලිකව ඇතු වූ විශ්ලේෂණ ගුරුකුලයයි.. මනෝවිද්‍යාවේ මෙන්ම අසාමාන්‍ය මනෝවිද්‍යාවේ ඉතා සුවිශේෂී හැරවුම් ලක්ෂණයක් ලෙස ෆ්රොයිඩ් ගේ මත ආගමනයත් සමග සනිටුහන් වී ඇත. ෆ්රොයිඩ් ඉහත සියල්ල සිදු කල අමුතු අමුතු ප්‍රතිකාර ක්‍රම වලට වෙනස්ව යමින් රෝගියාවා ඇදක හාන්සි කරවා මෝහන ප්‍රතිකාරය කර ඇත. ඒ වගේම මොහුගේ විශේෂත්වය වන්නේ මොහු රෝගීන්ට ප්‍රතිකාර කරන විට පර්යේෂණවලද නිරතවීමයි. ෆ්රොයිඩ්ගෙන් පසුව චර්යාවාදී ගුරුකුලය ආරම්භ විය එයින්ද අසාමාන්‍ය මනෝවිද්‍යාවට මෙන්ම මනෝවිද්‍යවටද තවත් අලුත් ආරම්භයක් වීය. මනෝවිශ්ලේෂන වාදය ඉදිරියේදී ඔබට කොටස් වශයෙන් සම්පූර්ණයෙන් ලබා හෙන්නම් චර්යා වාදය අපි කලින් ලිපියකින් සාකච්ඡා කලා.

මේ ආකාරයට කාලානුරූපීව, විවිධ ගුරුකුල සමග වෙනස් වීම වලට භාජනය වෙමින් වර්ධනය වෙමින් අසාමාන්‍ය මනෝවිද්‍යාව අද පවතින තත්වය දක්වා පැමිණ ඇත.. අසාමාන්‍ය මනෝවිද්‍යාවේ හැදින්වීම ගැන අපි ලිපියක් කතා කරල තියනව. ඉතිහාසය ගැන පොඩ්ඩක් වැඩිපුර කතා කලා වැදගත් වෙන්නත් පුලුවන් නැති වෙන්නත් පුලුවන්. ඒත් මේ ඔබ ඉන්නේ ශ්‍රී ලාංකික මනෝවිද්‍යා විශ්වය තුලයි. මෙහි මනෝවිද්‍යාව ගැන සෑම දැනුමක්ම සම්පූර්ණව තිබිය යුතුයි.

හරි එහෙන්ම අපේ මාතෘකාව අවසන්. ආසාමාන්‍ය මනෝවිද්‍යාව යටතේ අපි ඉදිරියට අසාමාන්‍ය චර්යාවන්, මානසික රෝග සහ ප්‍රතිකාර ක්‍රම ගැන කතා කරනව. එහෙනම් අපි ඊලඟ ලිපියෙන් හමුවෙමු.